Ki kōnei ki Te Wharekura o Te Rau Aroha, e whakapono ana mātou ki ngā ara katoa o te Ao Māori e puāwai ai ā tātou tamariki. Ehara i te mea ko ngā akoranga o roto i te akomanga anake te huarahi mā rātou hei whai, engari, ko te whai wāhi atu ki ngā kaupapa ā-iwi, ā-hapū, ā-ahurea anō hoki.Ko tā mātou whāinga, he whakatipu i ngā rangatahi kia tū māia, kia tū pakari ki tō roto i tō rātou ahurea Māori, kia mōhio ki ō rātou whakapapa, ā, kia rite hoki mō ngā wero o te ao hurihuri nei.Mā ēnei kaupapa e whakakaha te whanaungatanga, te rangatiratanga, te manaakitanga, te kotahitanga me te aroha ki roto i a rātou kia angitu ki roto i ngā mahi o tō tātou iwi, ki tō tātou kura, ki ō tātou whānau hoki.
He pou matua te kapa haka mō tō tātou kura. Mā te waiata, te haka, te poi, te mōteatea me ngā mahi ā-ringa ka mau tonu ngā kōrero tuku iho a ō tātou tīpuna. Ko te whai wāhi ki ngā kaupapa o Tainui Waka he huarahi hei whakapakari i te reo Māori, te tuakiri, te māia me te kotahitanga o ā tātou rangatahi.
2. Ngā Manu Kōrero
He kaupapa whakahirahira tēnei e whakawhanake ana i ngā pūkenga kōrero ā-waha, te rangahau, te whakaaro hōhonu me te tū māia ki mua i te marea. Ka whai wāhi ngā tauira ki te whakapuaki whakaaro, ki te kawe i ngā take e pā ana ki te Māori, me te whakakaha i tō rātou reo me ō rātou pūmanawa ārahi.
3. Pū Kōrero – Māori Women's Welfare League
He huarahi tēnei hei whakakaha i ngā kōrero tuku iho, te mātauranga Māori me ngā pūkenga whakawhiti kōrero. Mā te hono atu ki ngā kaupapa o te Māori Women's Welfare League, ka whai wāhi ngā tauira ki te tautoko i ngā kaupapa o ngā wāhine Māori toko i te ora, kia ako e pā ana ki ēnei mea te poipoi i te mana o te whānau me te hāpori, me te āwhina ki te whakatipu i ngā kaiārahi mō āpōpō.
4. Kapa Haka – Hauraki
Kua roa tēnei kura e tautoko ana i tēnei kaupapa o Hauraki ia tau ka hoki atu te kura ki te mau ki ngā hononga o Ngāti Maru o Hauraki kōwhao rau. Ki te hāpai ki te rongo i te mahana o te takiwā me te whakaatu i ngā take o te wā.
Ko te hākinakina tētahi huarahi nui hei whakapakari i te tinana, te hinengaro me te wairua. Ka ako ngā tauira ki te mahi tahi, ki te ū ki ngā whāinga, ki te whakaute i te manaakitanga, me te tū pakari ahakoa ngā wero.
5. Kī-o-Rahi
He hākinakina tuku iho Māori e whakakotahi ana i te kori tinana, te rautaki me te mahi ā-tīma. Mā te Kī-o-Rahi ka ako ngā tauira ki ngā taonga tuku iho a te Māori, ā, ka whakapakari hoki i te tere, te kakama me te whakaaro rautaki.
6. Waka Ama
He kaupapa e whakaako ana i te kotahitanga, te manawanui, te manawataki me te mahi tahi. Me kotahi te hoe, kotahi te whakaaro, kotahi te ngākau kia anga whakamua ai te waka. He tohu tēnei mō te kaha o te mahi ngātahi ki te whakatutuki i ngā moemoeā.
7. Netipōro
I roto i te netipōro ka whakapakari ngā tauira i te whakawhiti kōrero, te tere o te whakaaro, te mahi tahi me te manawanui o tētehi ki tētehi. He huarahi hoki hei whakatipu i te māia, te whanaungatanga me te aronga ki ngā whāinga o te tīma.
8. Rīki – Kāweitiki
He ara tēnei hei whanake i ngā pūkenga rīki me te whakatipu i ngā rangatahi e hiahia ana ki te whai i ngā taumata teitei ake o te hākinakina. Mā te whakangungu, te whakapau kaha me te mahi tahi ka whakatōngia ngā uara o Ngāti Hauā anō hoki.
9. Whutupōro
Ka whakawhanakehia ngā pūkenga ā-tinana, te whakaaro rautaki, te ārahi me te kotahitanga. Mā te whutupōro ka ako ngā tauira ki te tautoko i ō rātou hoa, ki te whakawhirinaki ki ngā kaiwhakawā me ngā hoa tauwhāinga, ā, ki te tū māia ahakoa te hua o te kēmu.
10. Pātuki Tahi – Waikato
He kaupapa mō ngā teina e whai wāhi ai ngā tauira ki te whakapakari i te tinana, Ki te ngāhau tahi ki ngā kura o Waikato whānui tonu. Mā te ū ki ngā whakangungu me ngā tikanga o te kaupapa, ka whakatipuria ko ngā hononga mahi i waenganui i ngā kura o Waikato.
11. Hinuera Kapu Kōta
He whai wāhitanga tēnei hei uru atu ki ngā whakataetae hākinakina ā-hapori, hei whakapakari i te whanaungatanga me ngā hononga ki ngā karapu me ngā whānau. Mā te whai wāhi atu, ka whakatipu ngā tauira i te māia, te ngākau hihiko me te whakaute ki te katoa.
12. Oma Roa
He kaupapa e whakatairanga ana i ngā hononga i roto i te Kura o Ngāti Hauā me ngā kura Māori i roto anō i a Kirikiriroa. E whakaako ana i te ururoa, i tō rātou māia me te whakaaro mō te terenga o te oma.
13. Wiki Hākinakina
He wā tēnei hei whakanui i ngā Wharekura o tō tātou nei Kura. Mā te kori tinana, te ngahau me te kotahitanga o ngā Ahomatua puta noa i ngā to`pito o te motu Ka whai wāhi ngā tauira ki ngā momo hākinakina, Tākoro tahi ai, ngāhau tahi ai, Whakahoahoa me te whakangā ā pōro nei (Ball). He kaupapa tino mīharo mō te mutunga o ia rua tau.
14. F45 Whakapakari Tinana
He kaupapa whakapakari tinana e aro ana ki ngā mahi kori tinana ā-rōpū, te whakapakari uaua me te whakapiki i te whare tapawhā o ngā tauira Mā te whai wāhi atu ka ako ngā tauira ki te whakatakoto whāinga, ki te whakapau kaha me te tiaki i tō rātou hauora. Te tūmanako ia ka pupuri tonu ki ēnei whakapakaritanga kia hauora ai tō rātou ao puta atu i te Kura.
15. Te Wānanga o Raukawa – Tertiary Studies
He huarahi tēnei hei whakawhānui i ngā mohiotanga me ngā pūkenga o ngā tauira mō ngā akoranga whai muri i te kura. Mā te whai wāhi ki ngā akoranga taumata tuatoru, ka tūwhera ngā ara ki ngā tohu mātauranga, ngā mahi ā-rehe me ngā huarahi mahi e hāngai ana ki ngā wawata o ia rangatahi, me te pupuri tonu i ngā uara me te mātauranga Māori.
16. Ngā Huarahi Whai muri i te kura - Pathways
Ko te whāinga he tautoko i ngā rangatahi e hiahia ana ki te whai i ō rātou moemoeā. Hei te tau whakamutunga Ka noho tahi ki te taha o te tauira me te whānau me te hui e pā ana ki a rātou hiahia mehemea he ara tēnei e hiahia ana rātou ki te whai.
Parents, please support our local businesses
Visit Website